منتديات الأمير والنسر


منتدى كنيسة مارجرجس والانبا باخوميوس بالاسكندرية
 
الرئيسيةس .و .جالتسجيلدخول

شاطر | 
 

 منك لله يا ستي ضيعتي مستقبلي (ارجو التثبيت)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MESSI



عدد الرسائل : 47
العمر : 24
اسم شفيعك ايه؟ : البابا كيرلس
نقاط : 0
تاريخ التسجيل : 01/12/2008

مُساهمةموضوع: منك لله يا ستي ضيعتي مستقبلي (ارجو التثبيت)   الأربعاء فبراير 25, 2009 10:24 pm

يارب.. يارب يارب تنجح يا نون يابن ابنى وأشوفك دكتور أد الدنيا

-ياستى بس أنا فى تجارة

-وماله يابنى هو يكتر على ربنا...... ده ربنا قادر على كل شئ

-ياستى بس اللى بيطلع دكتور لازم يكون فى كلية الطب مش التجارة

-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

-ياستى التجارة اللى فى الوكالة حاجة واللى فى الكلية حاجة تانية

-على العموم شد حيلك أنت وانا أخلى جدك يخدك معاه الوكاله عشان تتدردح وتتودك فى السوق

-جدى إيه اللى هايخدنى معاه .....ده جدى مات من زمان ياستى

-يامصيبتى عبد الواحد مات..ياحبيبى ياأخويا..مكنش يومك ياسبعى

-ياستى ده ميت من تلتين سنة

-تلتين سنه..ده العمر بيجرى ياولااا تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

-ياستى حرااام عليكى عايز أذاكر بقى

-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون

-ياستى دبلون إيه..أسمه البكالوريوس

-أنته هتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون

-خلاص دبلوم دبلوم ياستى ..سيبينى بقى عشان أذاكر

-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب- وأخلاق..وعلام كمان

-ياستى عبير دى معاها أعدادية

-وماله يابنى ...الراجل مايعبهوش إلا جيبه

-راجل ...راجل مين ياستى...عبير دى بنت

-عبير ...عبير مين ياوله..أنته بتعرف بنات من ورانا

-يارب ارحمنى....أبوس رجلك ياستى أرحمينى بقه

-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس والله لكون مبوظه الخطوبة دى ومجوزاه أنيسة بت أختى

-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان

-حراااااااااااااااااااااااااااااام ............ستى ماتطلعى البلكونة شويه ...ده الهوا حلو بره

-لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

-خلاص روحى المطبخ ...أهو زمان أمى خلصت الرز

-رز...رز إيه يابنى....هوأنا ليه سنان للرز...أناهطلع البلكونه أحسن

-طب أبقى خلى بالك من الجو ياستى

-جو لما يلطشك
- الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيهاياترى أنا كان إسمى إيه؟؟ ياترى كان إسمى إيه؟؟منك لله يا ستي

هو صحيح كان اسمه ايه ؟؟





confused confused confused confused
الرجوع الى أعلى الصفحة اذهب الى الأسفل
امال رفعت
امين عام الخدمة


عدد الرسائل : 682
العمر : 41
اسم شفيعك ايه؟ : مارجرجس
نقاط : 515
تاريخ التسجيل : 28/01/2009

مُساهمةموضوع: رد: منك لله يا ستي ضيعتي مستقبلي (ارجو التثبيت)   الأربعاء فبراير 25, 2009 11:53 pm

جميييييييييييييييييييييييييييييييييييييييييييلة جدا جدا





و دمها خفيف اوىىىىىىىىىىىىىىىىىىىىى




الله ينور
الرجوع الى أعلى الصفحة اذهب الى الأسفل
Diana
مدير عام


عدد الرسائل : 1000
العمر : 26
اسم شفيعك ايه؟ : الملاك ميخائيل والبابا كيرلس
نقاط : 662
تاريخ التسجيل : 27/12/2008

مُساهمةموضوع: رد: منك لله يا ستي ضيعتي مستقبلي (ارجو التثبيت)   الخميس فبراير 26, 2009 12:18 am


جاااااااااامدة جدااااااااااااااااااا
شكرااااااااااا لتعبك

_________________

الرجوع الى أعلى الصفحة اذهب الى الأسفل
christian boy
مدير عام


عدد الرسائل : 349
العمر : 26
نقاط : 138
تاريخ التسجيل : 30/10/2008

مُساهمةموضوع: رد: منك لله يا ستي ضيعتي مستقبلي (ارجو التثبيت)   الخميس فبراير 26, 2009 6:18 pm

مش عارف
ماتسأل سته
اكيد تعرف

_________________

ان لم ترجعوا و تصيروا مثل الاولاد فلن تدخلوا ملكوت السماوات
الرجوع الى أعلى الصفحة اذهب الى الأسفل
 
منك لله يا ستي ضيعتي مستقبلي (ارجو التثبيت)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الأمير والنسر :: القسم الترفيهي :: نكت-
انتقل الى: