منتديات الأمير والنسر


منتدى كنيسة مارجرجس والانبا باخوميوس بالاسكندرية
 
الرئيسيةس .و .جالتسجيلدخول

شاطر | 
 

 قصيده عن الرعاه بمناسبة عيد الميلاد المجيد للشاعر رمزي بشارة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
George Zeefa
مدير عام


عدد الرسائل : 114
العمر : 27
اسم شفيعك ايه؟ : St. George and Angel Michael
نقاط : 18
تاريخ التسجيل : 30/10/2008

مُساهمةموضوع: قصيده عن الرعاه بمناسبة عيد الميلاد المجيد للشاعر رمزي بشارة   الثلاثاء يناير 06, 2009 3:02 pm

النِّجم دَل المَجوس طَب وإنتوا مين دَلُّكوا
وِعَن مَكان الميلاد مين بَس كان قال لُكوا؟
روح رَبِّنا القُدُّوس هُوَّ إللى شاورلُكوا
رُحتوا ليسُوع قُلتوا له جايين نِرَحَب بيك
ما بَعَتِّش البِشارات لِملُوك ولا لحُكَّام
وماكانشى فى إستِقبالَك إلاَّ رُعاة أغناَم
راحوا شافوا طِفل صغيَّر فى قلب مِزوَد نام
غَطيت حَياتنا بمَجدَك والقَش بيغَطِّيك
لكِن يارب إحتَرت إشمِعنَى يَعنى رُعاه!
إشمِعنى دولَ إختَرت! فَهِّمنى يا الله
طَب ما الغَلابَه كتير! أرجوك عايز تَفسير
وَلا بِتحابى وَلا تفَرَّق والنَّاس واحِد فى عينيك
دى خِطَّه دَبَّرتَها وِرَسَمتَها من الأزَل
راعى وهُمَّ رُعاه وبيشبِهُوك فى العَمل
وكمان لأنَّك فادى جيت للرُّعاه يا حَمَل
وديع قوى ومُتَواضِع وِنزِلت مِن أعاليك
دى خِطَّه مِترَتِّبَه وِحَقيقى ليها العَجَب
قَبل الميلاد بِشوَيَّه يوسِف يروح يُكتَتَب
يروح على بيت لَحم ويتَمِّم إللى إتكَتَب
إنَّك هِنَاك تِتوِلِد دى نبوَّه تَمِّت فيك
رُعاه فى عِز الليل مِصَحصَحين وسَهَرَاى
جالهُم مَلاك مـ السَّما ومعاه خَبَر وبِشاره
لو كانوا بَقى نايمين كان يبقَى ألف خساره
دول سِهروا وأنا سَهران يارَبِّى مِستَنِّيك
قال المَلاك إتوَلَد جُوَّه بَلَد داوود
الله وواخِد جَسَد جيه ليكوا يوفى وعود
هُوَّ المَسيح الرَّب بالحُب جاى يسُود
بِنمَلِّكَك عا القَلب وِحَياتنا آهيه بنِهدِيك
قال المَلاك الخَبَر بَعديها بدقيقتين
خورس ملايكه ظَهَر وبَدأ يقول تَرانيم
جُمهُور كتير مـ النُّور مَشهَد جَميل وعَظيم
ملايكِة السَّمَوات يا يسُوع بِتُسجُد ليك
قالوا الملايكه: المَجد لِلَّه فى قَلب عُلاه
وسلام لأهل الأرض بَقى ليكوا تانى حَياه
بالحُزن فاض الكاس والفَرح جيه لِلنَّاس.
آمِنت بيك يا يسُوع وهاأعيش عَشان أرضيك
وَصل الرُّعاه لِلمِزوَد وعِليت الهِتافات
شافوا إللى قالوا عليه ملايكِة السَّمَوات
نايم فى حُضن العَدرا مَلفوف فى قَلب قُماط
نُونو جميل بِتوَأوَأ والنِّعمه باينَه عليك
يارب أنا إستَعجِبت مِن كُتر تَواضعَك
حِجر البَتول يحِملَك رغَم إرتِفاع وَضعَك
بِتِصنَع الأنهار وِتنَزِّل الأمطار
إزَّاى بَقَى تِعطَش وثَديها يسقيك!
مُمكِن آقولَّك حاجه ... حقيقى دى غريبَه
مِزوَد ده تَعبير شِيك لا مُؤاخذه دى زريبَه
يارب أنا مُندَهِش ما شُفتَهاش عِيبَه!
إسمحلى إنى أنحِنى وِأوَطى أبوس رِجليك
بَس الحَمَل يِتوِلِد فين غير ما بين حِملان
ماهو إنتَ جيت تِندِبِح بدالى أنا الإنسان
حَبِّيتنى مِن غير سَبب ياآبو قلب كُلُّه حَنان
تَعالى فىَّ إتوِلد يا يسُوع أنا باأناديك


كلمات الشَّاعر رمزى بشاره


_________________
And the LORD was with Joseph, and he was a prosperous man
الرجوع الى أعلى الصفحة اذهب الى الأسفل
Diana
مدير عام


عدد الرسائل : 1000
العمر : 26
اسم شفيعك ايه؟ : الملاك ميخائيل والبابا كيرلس
نقاط : 662
تاريخ التسجيل : 27/12/2008

مُساهمةموضوع: رد: قصيده عن الرعاه بمناسبة عيد الميلاد المجيد للشاعر رمزي بشارة   الثلاثاء يناير 06, 2009 5:23 pm

روووووووووووووووووعة يا جورج

_________________

الرجوع الى أعلى الصفحة اذهب الى الأسفل
George Zeefa
مدير عام


عدد الرسائل : 114
العمر : 27
اسم شفيعك ايه؟ : St. George and Angel Michael
نقاط : 18
تاريخ التسجيل : 30/10/2008

مُساهمةموضوع: رد: قصيده عن الرعاه بمناسبة عيد الميلاد المجيد للشاعر رمزي بشارة   الثلاثاء يناير 06, 2009 5:32 pm

ميرسي يا ديانا
بس على فكره الشاعر ده هو اللي كتب
صبرتي ليه - لو حزننا - و أقول يا أبويا 
و حاجات كتيره جدا

_________________
And the LORD was with Joseph, and he was a prosperous man
الرجوع الى أعلى الصفحة اذهب الى الأسفل
Diana
مدير عام


عدد الرسائل : 1000
العمر : 26
اسم شفيعك ايه؟ : الملاك ميخائيل والبابا كيرلس
نقاط : 662
تاريخ التسجيل : 27/12/2008

مُساهمةموضوع: رد: قصيده عن الرعاه بمناسبة عيد الميلاد المجيد للشاعر رمزي بشارة   الثلاثاء يناير 06, 2009 5:38 pm

ده شكله جااااااامد أوي

_________________

الرجوع الى أعلى الصفحة اذهب الى الأسفل
 
قصيده عن الرعاه بمناسبة عيد الميلاد المجيد للشاعر رمزي بشارة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الأمير والنسر :: القسم الثقافي والفني والعلمي :: اشعار وخواطر-
انتقل الى: