منتديات الأمير والنسر


منتدى كنيسة مارجرجس والانبا باخوميوس بالاسكندرية
 
الرئيسيةس .و .جالتسجيلدخول

شاطر | 
 

 يا عينى يا عينى يا عينى على الولا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ريتا
نسر ذهبي


عدد الرسائل : 968
العمر : 21
اسم شفيعك ايه؟ : القديس ابانوب
نقاط : 2010
تاريخ التسجيل : 05/02/2009

مُساهمةموضوع: يا عينى يا عينى يا عينى على الولا   السبت أغسطس 01, 2009 10:46 pm

(1)لو البنت فى وسط المحاضرة عطشت وحبت تشترى كانز تقول للدكتور من
فضلك يا دكتور عايزة اخرج يسالها ليه تقوله عندى ظروف ومن غير مايعرف ايه
هى الظروف تلاقى الباب اتفتح .
اما الولد لو جاله تليفون ان ابوه مات واخواته اتحرقوا وامه فى الانعاش
يروح يقول هى جامعة ابوك روح اترزع مكانك مش مهم تحضر الدافنة كفاية تحضر
العزاء .

(2) لو حصل زعل بين البنت وباباها مش هيطردها هما شخطتين وضربة خفيفة علشان البنت عضمها طرى .
اما الولد اجارك الله شلاليت وبونيات ويطرده من البيت وعينك متشوف الا النور ويدوبك يلحق مكان ينام جنب البواب .

(3) لو فى الاتوبيس وبنت دخلت وملقتش مكان عصر صلاح الدين الايوبى يرجع
وكل واحد يعمل ابو العرام وابو الشهامة ويقوم واتفضلى يا انسة .
اما لو طلع راجل الاتوبيس عصر جنكيز خان يرجع والتكشيرة تترسم على
الوشوش واللى يطلع راسة من الشباك قال بيشم هوا والتانى قال بيتفرج على
المحلات ويتحرق اللى واقف .

(4)لو بنت سقطت اخر السنة وعيطت شوية مامتها هتقولها معلش خيرها فى غيرها تعوضيها السنة اللى جاية البنت ملهاش الا بيت جوزها .
اما الولد يا خرابى يا خسارة تعبى فيك روح شوف ( ...... ) ابن عمك
بيطلع من الاوائل كل سنة و{ ( ......) دايما بيسقط وبيكدب على اهلة } انت
من بكرة تنزل تشتغل مع اسطى بلية الميكانيكى تعمل بلوقمتك .يا صايع يا ضايع والخ.........

(5) لو بنت فشلت فى التعليم تقعد تعمل شغل البيت وتستنى العريس وهى بتغنى البحر بيضحك ليه وانا نازلة ادلع اغسل الحلل .
اما الولد ينزل يشتغل صبى ميكانيكى او يبيع مناديل فى اشارات المرور .

(6) لو حرامى نط على البيت الاب والام يجروا يطمنوا على البنات ومتخفوش ويطبطبوا عليهم .
اما الولاد الاب يرصهم قدامه صف وانا مش مخلف ولاد ماهو الحرامى لو
عارف انى سايب رجالة فى البيت مكنش اتجرأ ودخل البيت انا اصلا مخلف شوية
خرفان .

(7) فى الشتا لو جيه ضيوف البنات اهلا يا اونكل اذيك وبوس واحضان فى
بناته . اما الولد انزل هات كذا وكذا .... . وياسلام لو هيباتوا البنات
تلم بعضيها وفى اوضة اما الولاد يسحبوا مخدة وبطانية ويناموا جنب لاكى
الكلب فوق السطوح .

( لو حصلت خناقة فى المنطقة البنات تقعد تتفرج على الخناقة من الشبابيك .
اما الولاد اللى يشد سكينة واللى يشد جنزير واللى نبوت ويرجعوا اللى
السكينة فى باطنة واللى النبوت متكسر على دماغة واللى الجنزير معلم على
قفاه .

(9) لو الحرب قامت البنت تقعد تتفرج على الاحداث فى قناة الجزيرة وهى بتأزاز لب وسودانى وتقلب شوية على ميلودى وروتانا .
اما الولد بيكون شايل الالى ويرجع ياعينى وودنة مقطوعة وفاقد الذاكرة
وشايل رجلة على كتافة ويشوف باباه يقولة امال فين اخواتى يا ماما .

(10) الولد لو رايح مشوار مع اخته يصحى فى ميعاده ويكوى لبسة ويلبس
ويحط جل فى شعرة ويستنى اخته وينام من كتر الانتظار والهدوم المكوية
تتكرمش والجل ينشف ويبقى عامل زى عش العصفور وهى تخرج برنسيسة بالميكب
والبرفيوم وينزلوا الشارع ويقعدوا يتريقوا عليه ويقولوا الحظ لما ياتى
يخلي الشيك قرداتى.
الرجوع الى أعلى الصفحة اذهب الى الأسفل
FARID SHAWKI
مشرف قسم


عدد الرسائل : 867
العمر : 23
اسم شفيعك ايه؟ : البابا كيرلس ومارجرجس
نقاط : 653
تاريخ التسجيل : 27/12/2008

مُساهمةموضوع: رد: يا عينى يا عينى يا عينى على الولا   السبت أغسطس 01, 2009 11:51 pm

ههههههههههههههههههههههههههههههههه
جامده جدا جدا
بس كده بقي الله يرحمنا

_________________


الرجوع الى أعلى الصفحة اذهب الى الأسفل
جينا



عدد الرسائل : 56
العمر : 19
اسم شفيعك ايه؟ : البابا كيرلس السادس
نقاط : 68
تاريخ التسجيل : 27/06/2009

مُساهمةموضوع: رد: يا عينى يا عينى يا عينى على الولا   الأربعاء سبتمبر 02, 2009 3:02 am


ههههههههههههه
ايوة كده يا ريتو
دايما رافعة راسنا
هههههههههه
ميررررسى يا قمر
الرجوع الى أعلى الصفحة اذهب الى الأسفل
ريتا
نسر ذهبي


عدد الرسائل : 968
العمر : 21
اسم شفيعك ايه؟ : القديس ابانوب
نقاط : 2010
تاريخ التسجيل : 05/02/2009

مُساهمةموضوع: رد: يا عينى يا عينى يا عينى على الولا   الأربعاء سبتمبر 02, 2009 10:42 pm

ميرسى لمرورك يا عسل
الرجوع الى أعلى الصفحة اذهب الى الأسفل
امال رفعت
امين عام الخدمة


عدد الرسائل : 682
العمر : 41
اسم شفيعك ايه؟ : مارجرجس
نقاط : 515
تاريخ التسجيل : 28/01/2009

مُساهمةموضوع: رد: يا عينى يا عينى يا عينى على الولا   الخميس سبتمبر 03, 2009 12:31 am

[size=29]ههههههههههههههههههههههههههههههههههههههههههههههههههه


ايه ده يا بت يا ريتا

عيب كده حرام


دول غلابة

مش كده

هههههههههههههههههههه[/size]
الرجوع الى أعلى الصفحة اذهب الى الأسفل
Diana
مدير عام


عدد الرسائل : 1000
العمر : 26
اسم شفيعك ايه؟ : الملاك ميخائيل والبابا كيرلس
نقاط : 662
تاريخ التسجيل : 27/12/2008

مُساهمةموضوع: رد: يا عينى يا عينى يا عينى على الولا   الخميس سبتمبر 10, 2009 12:16 am

هههههههههههههههههههههههههههههه
جااااااااااااااااااااااااامدة جداااااااااااااااااا
أيوة كده عايزين من ده علي طول

_________________

الرجوع الى أعلى الصفحة اذهب الى الأسفل
 
يا عينى يا عينى يا عينى على الولا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الأمير والنسر :: القسم الترفيهي :: نكت-
انتقل الى: