منتديات الأمير والنسر


منتدى كنيسة مارجرجس والانبا باخوميوس بالاسكندرية
 
الرئيسيةس .و .جالتسجيلدخول

شاطر | 
 

 اعرفى عريسك بدرى بدرى من طريقة اكله؟؟؟؟؟؟؟؟؟؟؟؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
امال رفعت
امين عام الخدمة


عدد الرسائل : 682
العمر : 41
اسم شفيعك ايه؟ : مارجرجس
نقاط : 515
تاريخ التسجيل : 28/01/2009

مُساهمةموضوع: اعرفى عريسك بدرى بدرى من طريقة اكله؟؟؟؟؟؟؟؟؟؟؟؟؟؟؟؟؟؟   السبت مايو 09, 2009 11:02 pm

اعرفي عريسك بدري بدري.. من طريقة أكله ....؟؟؟؟




إذا كان عادي يعني لا بياكل بسرعة ولا ببطء ولا دايمًا شبعان ولا

مفجوع على طول.. يبقى

شخص معتدل في عواطفه

وقراراته ويبقى ده

آخر الرجال المحترمين..

كلبشي .. واستعجلي الزفاف والحياة هتبقى بمبي

إذا كان بيحب الأكل زي عينيه.. وأول ما يدخل من الباب وقبل ما

يقول لك ازيك يقول لك ريحة التقلية تجنن ياروحي إنتوا عاملين ملوخية

على أرانب؟؟.. أموت أنا.. ويقعد ياكل ويحشر لحد ما يغمى عليه..

يبقى إنسان طفس .. وهوائي




وطايش.. وأوعي تتجوزيه أحسن ياكلك وانتي نايمة....؟؟

أما

إذا كان مش مهتم بالمرة.. لايقولك ده حلو ولا ده عادب ولا

مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان

يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..

وهاتعيشي إنتي الراجل والست ف وقت واحد واعملي حسابك هاتركبي وتدلدلي رجلييكي




أما إذا كان بياكل زى مايكون حد بيجري ورااااه وساعة الأكل

بيجيله حالة صرع معوي.. ويقوم من ع الأكل قبل أي حد تاني.


يبقى متسرع.. ومتهور في اتخاذ قراراته وممكن بعد الجواااز يكتشف إنك

لست ملهمته..ولست فتاة أحلامه ولستِ حلمه....

إخلعي إنتي بدري أحسن لكرامتك.


أما إذا كان بياكل على مهله.. ويمزمز.. ف كل صنف لوحده.. ويسأل

عن كل صنف إيه مقاديره ومعمول إزاااي ويقعد يستطعم ف الأكل من العصر للمغرب




حاسبي منه يا اختي ده النوع اللي له مخ.. وبيوزن الأمور بطريقه تفقع

المرارة.. ولو في يوم طلبتي منه يقولك كلمة حلوة هايقولك مش عامل

حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟



نظااااام شلل رعاش

بدري.... بدري....

إخلعي يا أمي... أما

إذا كان بيقعد يقطع ف الأكل زي مايكون ف خناقة ويخبط ف الطبق

من الغل.. ويقطع حتة اللحمة زي ما يكون بيدبحها.. ويتفتف.. ويتكلم..

طول ماهو بياكل لما يغرق وشك أكل..

ده شخص عصبي جدًاااا.. ومع أول خناقة هايروح مناولك بالكرسي ف راسك أو

بالسكينة ف عينك يعمل لك عاهة مستديمة وبعدين.. يهدى.. ويقول لك:

"سوووري يا روحي هي جت فيكي.. ماعاليش"

""ماعاليش برَّه يا حبيبي وخد الباب ف أيدك""

أما إذا كان دايمًا قرفاااان دايمًا مش عاجبه العجب ولا الصيام

فى رجب.. يع..


الملوخية تقيلة.. ياي.. السمنة كتيرة على وش الشوربة.. ياساتر.. دا

محشي ولا صوابع

مووووز.. أووووف.. الرز محصويل.. يامَّه المكرونة

معجنة..

إذا كان كده توكلي على الله وهاتي أحمى ساطووووور عندك وأنا أعرف لك

واحد محامي هايطلعك منها زي الشعرة م العجيييين

التوقيع:
الرجوع الى أعلى الصفحة اذهب الى الأسفل
TITO_BEST



عدد الرسائل : 31
العمر : 26
اسم شفيعك ايه؟ : مار جرجس - البابا كيرلس - الانبا انطونيوس - العذراء مريم
نقاط : 30
تاريخ التسجيل : 10/12/2008

مُساهمةموضوع: رد: اعرفى عريسك بدرى بدرى من طريقة اكله؟؟؟؟؟؟؟؟؟؟؟؟؟؟؟؟؟؟   الإثنين يونيو 15, 2009 10:38 am

هههههههههههههههههههه


على كدة مافيش حد منكم هايتجوز
الرجوع الى أعلى الصفحة اذهب الى الأسفل
امال رفعت
امين عام الخدمة


عدد الرسائل : 682
العمر : 41
اسم شفيعك ايه؟ : مارجرجس
نقاط : 515
تاريخ التسجيل : 28/01/2009

مُساهمةموضوع: رد: اعرفى عريسك بدرى بدرى من طريقة اكله؟؟؟؟؟؟؟؟؟؟؟؟؟؟؟؟؟؟   الإثنين يونيو 15, 2009 8:31 pm

لالالالالالالا


بلاش تشاؤم


ان شاء الله ىكله يتجوز


ههههههههههههههههههههههههههههههههه
الرجوع الى أعلى الصفحة اذهب الى الأسفل
 
اعرفى عريسك بدرى بدرى من طريقة اكله؟؟؟؟؟؟؟؟؟؟؟؟؟؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الأمير والنسر :: القسم الترفيهي :: نكت-
انتقل الى: